Mig langaði að deila með ykku uppskrift sem ég gerði fyrir Nóa Siríus af Latte með hvítu súkkulaði og kanil, alveg ekta jóladrykkur og sló heldur betur í gegn hérna hjá fjölskyldu og vinum. Ég gerði nokkrar uppskriftir af heitu kakói fyrir Nóa Siríus og munu þær vera fáanlegar í næstu matvöruverslun, svona lítill bæklingur :)
Latte með hvítu súkkulaði
og rjóma
Fyrir 2-4
Innihald
3 dl mjólk (nýmjólk)
200 g Siríus konsum hvítt súkkulaði
2 dl sterkt kaffi
1 tsk
vanilludropar
Toppur
¼ lítri rjómi, þeyttur
kanill
Aðferð
Setjið mjólk, hvítt súkkulaði og vanilludropa
saman í pott og hitið yfir meðalháum hita. Hrærið stanslaust þar til hvíta
súkkulaðið hefur náð að bráðna alveg. Hitið þar til suðan er alveg að koma upp
en látið súkkulaðiblönduna ekki sjóða. Takið pottinn af hellunni og hellið
sterku kaffi saman við og hrærið þar til allt hefur blandast vel saman. Hellið
kaffiblöndunni ofan í glas eða bolla. Þeytið rjóma og sprautið honum ofan á
ásamt smá kanil.
Styrkjum eineltisverkefni Barnaheilla
Ég og starfsfélagar mínir hjá fjölskylduþjónustu Hafnarfjarðar tókum að sjálfsögðu þátt í jólapeysan 2014 á vegum Barnaheill!
það er hægt að heita á okkur hér.
Söfnunin rennur beint til Barnaheilla
Jólaþorpið í Hafnarfirði
Svo fyrir ykkur sem vitið ekki hvað þið eigið að gera af ykkur í dag þá mæli ég með því að þið heimsækið Jólaþorpið hérna í Hafnarfirði, það er mjög flott dagskrá fyrir alla fjölskylduna. Við ætlum að skella okkur þangað í dag og hlusta á Pollapönk og hitta jólasveinana!
Dagskrá Jónaþorpsins er hægt að nálgast á facebook síðu Jólaþorpsins hér.
Dagskráin í dag er eftirfarandi:
Laugadagurinn 6. desember. Grýla kynnir.
12:00 Jólahúsin opna13:30 Stórikór Lækjarskóla14:00 Borgarbörn, barna og unglingaleikhús14-16 Jólasveinar á rölti14:30 Pollapönk 15:00 Úti-jólaball16:30 Kvennakór Hafnarfjarðar
Þangað til næst
Thelma
No comments:
Post a Comment