Bananamúffur með kanil

Bananamúffur með kanil

Ca 14 stk – undirbúningur 10 mín. – bökunartími 15 mín.

Innihald

200 g hveiti

1 tsk lyftiduft

1 tsk matarsódi

1 tsk kanill

½ tsk salt

3 vel þroskaðir bananar

160 g sykur

1 egg

1 tsk vanilludropar

120 g smjör

Toppur

50 g sykur

2 tsk kanill

Aðferð

1. Stillið ofninn á 180 gráður og setjið muffinsform ofan í bökunarform og setjið á ofnplötu.
2. Blandið öllum þurrefnum saman í skál og hrærið vel.
3. Setjið banana, sykur, egg, vanilludropa og bráðið smjör saman í skál og hrærið vel saman.
4.  Blandið þurrefnunum varlega saman við og hrærið þanað til allt hefur blandast vel saman. Passið ykkur að hræra alls ekki of mikið svo kökurnar verði ekki segiar.
5. Setjið deigið í bökunarformin, ca. 2 msk í hvert fom.
6.  Stráið 1 msk af kanilsykri yfir hverja köku og hrærið því saman við með tannstöngli.
7. Bakið kökurnar í 15 mínútur. 

Jólailmur í potti

Ef þú vilt að heimili þitt ilmi eins og jólin þá mæli ég með að skella þessu í pott og láta malla yfir daginn.

Innihald

3-4 kanilstangir

1 appelsína skorin niður 

1 msk negull

Handfylli af trönubergjum

1 tsk múskat

Greni

Aðferð
Skellið öllu innihaldinu í pott og fyllið með vatni, sjóðið og látið malla yfir daginn, gott er að fylla á vatnið af og til.

Kanil hringir

Kanil hringir

3 eggjahvítur

170 g sykur

½ tsk vanilludropar

2 tsk kanill

200 g dökkt súkkulaði

50 g heslihnetur eða annað

Aðferð

Þreytið eggjahvítur og sykur saman þar til blandan verður stíf og stendur. Blandið saman vanilludropum og hrærið vel. Setjið kanil saman við og hrærið saman með sleif. Setjið marengsinn í sprautupoka með stút t.d. 1M og sprautið fallega litla hringi á plötu með smjörpappír. Bakið við 150 gráður í rúmar 30  mínútur eða þar til marengsinn verður þurr viðkomu. Kælið hringina alveg áður en þið dýfið þeim í súkkulaði. Dýfið hálfum hring ofan í súkkulaðið og dýfið ofaní heslihnetur eða annað sem ykkur langar til. Gott er að setja t.d. lakkrís, smartís eða annarskonar hentur, kókós eða þar sem hugurinn girnist. 

Oreo kossar

Hrikalega einfaldir og góðir Oreo kossar sem ekki þarf að baka og taka nánast enga stund!! Lofa því að þið getið komið einhverjum á óvart með þessum kossum!

Oreo kossar

3 eggjahvítur
170 g sykur
½ tsk vanilludropar
16-20 stk Oreo kexkökur
300 g dökkt súkkulaði

Aðferð

Þeytið eggjahvítur og sykur saman þar til blandan verður stíf og stendur. Setjið vanilludropa saman við og hrærið vel. Raðið Oreo kexkökum á plötu og sprautið marengsinum á hverja köku fyrir sig, t.d. með sprautustút nr. 1M. Látið marengsinn standa aðeins þar til hann er orðinn þurr viðkomu. Bræðið súkkulaði í potti yfir vægum hita og dýfið hverri köku fyrir sig ofaní, gott er að setja kökurnar á ofngrind svo að súkkulaðið geti lekið af kökunum. Látið súkkulaðið storkna utan á kökunum og borðið. Geymið í kæli.

Úrbeinuð kjúklingalæri með sólþurrkuðum tómötum og parmesan osti

Þessi kjúklingur er unaðslega góður! Mr. Handsome fannst hann svo góður að þegar allur kjúklingurinn var búinn tók hann brauð og sleikti upp sósuna! Hann gaf þessum rétt 5 stjörnur. Ekta föstudagsmatur ef maður vill gera smá vel við sig. Ég bar réttinn fram með hrísgrjónum og fersku salati. Svo má fá sér eina ískalda kók með því....eða bara hvítvín eða það sem ykkur langar til.....ef það er föstudagur  :) 

Innihald 

8 stk úrbeinuð kjúklingalæri

5 msk smjör

1 hvítlaukur

1 1/2 dl vatn

1 stk kjúklingateningur

1 1/2 dl rjómi

10 stk sólþurrkaðir tómatar

80 gr rifinn parmesan ostur

1/4 tsk oregano

1/4 tsk basilíka 

1/4 tsk rauður pipar (red pepper flakes)

nokkur blöð af ferskri basilíku

salt og pipar 

Aðferð

Setjið 3 msk af smjöri á pönnu, kryddið kjúklingalærin með salti og pipar og steikið við háan hita í rúmlega 2 mínútur á hvorri hlið. Lækkið hitann og eldið kjúklinginn í gegn og takið hann svo af pönnunni. Setjið restina af smjörinu á pönnuna, 2 msk, ásamt hvítlauknum (ég nota hvítlaukspressu eða sker hann smátt niður) steikið hvítlaukinn örlítið en passið að láta hann ekki brenna. Bætið saman við vatni, kjúklingakrafti, rjóma, sólþurrkuðum tómötum, parmesan osti og öllu kryddi saman við og hrærið þar til sósan hefur náð að þykkna örlítið. Þegar sósan hefur fengið að malla á pönnunni í rúmlega 10-15 mínútur setji þið kjúklinginn ofan í sósuna ásamt ferskri basilíku og látið malla í aðrar 5 mínútur. Saltið og piprið að vild. Fyrir ykkur sem eruð hrifin af sterkum mat þá er um að gera að bæta örlítið af rauðum pipar saman við. Ég mæli með að gera réttinn ekki of sterkan ef þið eruð með börn, börnin mín kvörtuðu örlítið undan því hversu sterkur hann var þannig ég tók frá smá kjúkling og sósu fyrir þau og kryddaði svo meira fyrir okkur.

Ég sauð hrísgrjón með þessum rétti og gerði ferskt salat. Einnig bætti ég við auka parmesan osti þegar kjúklingurinn var kominn á diskinn því mér finnst hann svo hrikalega góður. 

Njótið 

Thelma

Grískur spínathringur

Ef þú vilt slá í gegn í jólapartýinu í vinnunni eða hvaða partýi / saumaklúbbi sem er þá er þetta málið! Þesi spínathringur mun heilla hvern þann sem smakkar upp úr skónum. Einfaldur og sjúklega fljótlegur því það er svo mikil snilld að geta keypt tilbúið smjördeig út úr búð. 

Grískur spínathringur

Fyrir ca 8-10

Innihald

1 pakki Wewalka smjördeig

300 g spínat

100 g Mozzarella ostur

120 g fetaostur

30 g svartar ólífur

40 g Ristaðar furuhnetur

120 g majones

1 hvítlauksgeiri

Salt og pipar

Eggjahvíta

Parmesan ostur

Aðferð

Afþýðið spínatið og kreistið allt vatn úr því. Setjið spínatið í skál ásamt, mozzarella osti, fetaosti, furuhnetum, majonesi og hvítlauk. Skerið ólífurnar gróflega niður og setjið saman við. Kryddið með salti og pipar og hrærið þar til allt hefur blandast vel saman. Skerið smjördeigið í tvennt eftir endilöngu, myndið 10 ferninga og skerið hvern ferning í tvenn svo úr verði tveir þríhyrningar. Setjið smjörpappír á bökunarplötu og raðið þríhyrningunum á hana þannig að breiði endinn snúi inn til að mynda hring. Látið endana leggjast ofaná hvorn annan til hálfs og myndið hring. Setjið spínatblönduna ofaná hringinn, leggið endana af þríhyrningunum yfir spínatblönduna og festið við innanverðan hringinn.  Hrærið eggjahvítu í skál og penslið yfir deigið og setjið ofaná rifinn parmesan ost. Bakið í 15-20 mínútur við 180 gráðu hita eða þar til deigið er orðið fallega gullinbrúnt.  Gott bæði heitt og kalt.  

Verði ykkur að góðu!

Thelma

Kjúklingur með steiktum hrísgrjónum og grænmeti

Kvöldmatur á 20 mínútum! Hver fílar það ekki?

Kjúklingur með steiktum hrísgrjónum og grænmeti

fyrir ca 4

Innihald

2 kjúklingabringur

1 msk ólífu olía

1 msk smjör

1 laukur

1 hvítlaukur

blómklál

brokkolí

1-2 gulrætur

2 egg

2-3 bollar af köldum hrísgrjónum (best frá deginum áður)

4 msk soya sósa 

Salt og pipar

Chilli 

Aðferð

Setjið olíu á pönnu, skerið kjúklinginn niður í smáa bita og steikið þar til hann verður fulleldaður. Setjið kjúklinginn til hliðar. Gott er að krydda kjúklinginn með salti og pipar og smá soya sósu. 

Skerið lauk, hvítlauk, brokkolí, blómkál og gulrætur smátt niður og steikið upp úr smjöri á pönnunni. Hrærið eggin í glasi og steikið á pönnunni, hrærið í eggjunum og blandið þeim saman við grænmetið. Setjið köld hrísgrjón saman við og steikið léttilega. Bætið soya sósunni saman við og kryddið með salti og pipar og hrærið vel saman. Setjið kjúklinginn saman við. Fyrir ykkur sem viljið hafa þetta smá sterkt er gott að setja smá chilli saman við. Einnig er hægt að setja soyasosu af vild, um að gera að smakka þar til þið eruð sátt með bragðið. 

Njótið! 

Kveðja

Thelma

Sítrónuskyrkaka með piparkökum

Sítrónuskyrkaka með piparkökum

Botn:
230 g piparkökur
130 g smjör

Skyrkaka:500 g Skyr.is með sítrónu
¼ l rjómi
1 tsk sítrónudropar
2 msk flórsykur

Toppur:
Rjómi
Hakkaðar piparkökur

Aðferð:

1. Setjið piparkökurnar í matvinnsluvél og hakkið þar til kökurnar eru orðnar fínmalaðar.
2. Bræðið smjör og hellið því saman við og hrærið vel.
3. Hellið kökublöndunni í hringlaga form um 22 cm að stærð og þrýstið vel niður í botninn og upp á hliðar formsins. Gott er að nota botninn á glasi til þess að þrýsta kexinu vel niður.
4. Setjið formið inn í ísskáp á meðan þið undirbúið skyrkökuna.
5. Þeytið rjóma og hrærið honum saman við skyrið þar til allt hefur blandast vel saman ásamt sítrónudropum og flórsykri.
6. Hellið skyrblöndunni  í formið og sléttið út með sleif.
7. Skreytið með hökkuðum piparkökum og rjóma að vild.
8. Geymið í kæli þar til kakan er borin fram. 

Uppskriftina er einnig hægt að finna á vef Gott í matinn.

Kveðja, Thelma

Piparmyntuskyrkaka

Piparmyntuskyrkaka

Botn:
24 stk Oreo kexkökur
130 g smjör

Skyrkaka:
500 g hreint skyr
¼ l rjómi
2 msk flórsykur
200 g Pipp með piparmyntufyllingu
4 msk rjómi
1 tsk piparmyntudropar

Toppur:
100 g Pipp með piparmyntufyllingu
4 msk rjómi

Aðferð:

1. Setjið kexið í matvinnsluvél og hakkið þar til kexið er orðið fínmalað.
2. Bræðið smjör og hellið því saman við kexið og hrærið vel saman.
3. Hellið kexblöndunni í hringlaga form um 22 cm að stærð og þrýstið henni vel niður í botninn og upp á hliðar formsins. Gott er að nota botninn á glasi til þess að þrýsta kexinu vel niður.
4. Setjið formið inn í ísskáp á meðan þið undirbúið skyrkökuna.
5. Bræðið Pipp með piparmyntufyllingu yfir vatnsbaði ásamt 4 msk af rjóma. Hrærið þar til súkkulaðið hefur náð að bráðna alveg. Kælið súkkulaðið örlítið og blandið því svo saman við skyrið og hrærið þar til allt hefur blandast vel saman.
6. Þeytið rjóma og blandið honum saman við skyrblönduna ásamt flórsykri og piparmyntudropum.
7. Hrærið skyrblönduna vel saman og hellið henni í formið og sléttið út með sleif.
8. Bræðið Pipp með piparmyntufyllingu ásamt  4 msk af rjóma yfir vatnsbaði og hrærið þar til súkkulaðið hefur bráðnað alveg. Slettið súkkulaðinu óreglulega yfir kökuna.
9. Geymið kökuna í kæli þar til hún er borin fram. 

Einnig er hægt að nálgast uppskriftina á vef Gott í matinn.

Kveðja, Thelma

Ostamús með hnetusmjöri, rjóma og salthnetum

Ostamús með hnetusmjöri, rjóma og salthnetum

Fyrir ca. 6

Innihald
230 g rjómaostur
250 g hnetusmjör
½ tsk salt
250 ml rjómi

Toppur
½ lítri rjómi
salthnetur
súkkulaðispænir

Aðferð

Þeytið rjómaostinn þar til hann verður sléttur og  mjúkur, bætið hnetusmjörinu saman við ásamt saltinu og hrærið vel. Þeytið rjóma þar til hann verður stífur og stendur. Blandið rjómaostablöndunni varlega saman við rjómann og hrærið með sleif þar til allt hefur blandast vel saman. Sprautið ostamúsinni í hvert glas eða krukku fyrir sig kælið í 1-2 klst. Þeytið rjóma og sprautið honum ofan á ostamúsina og skreytið með súkkulaðispónum og salthnetum.

Einnig er hægt að nálgast uppskriftina á vef Gott í matinn og hægt að margfalda að vild. 

Oreo ostakaka

Oreo ostakaka

Botn
220 g hafrakex
50 g púðursykur
100 g smjör, bráðið

Ostakaka
5 dl rjómi
450 g rjómaostur
150 g sykur
½ tsk salt
1 msk sítrónusafi
2 tsk vanillusykur
16 stk Oreo kex

Toppur
½ lítri rjómi
3 stk Oreo kex (3-4 stk) 

Aðferð

Setjið smjörpappír í hringlaga form u.þ.b. 23 cm stórt. Setjið hafrakex og púðursykur saman í matvinnsluvél og fínmalið. Bræðið smjör, blandið því saman við og hrærið vel. Setjið hafrakexblönduna ofan í formið og þrýstið vel ofan í botninn og upp á hliðar formsins. Gott er að nota glas eða skeið. Setjið í kæli á meðan þið undirbúið rjómaostablönduna.  

Hrærið rjómaost, sykur, salt, sítrónusafa og vanillusykur saman í skál þar til blandan verður slétt og mjúk og setjið til hliðar. Þeytið rjómann þar til hann verður stífur og stendur. Blandið rjómanum varlega saman við rjómaostablönduna með sleif. Setjið Oreo kexið í matvinnsluvél, hakkið gróflega og blandið varlega saman við rjómaostablönduna. Hellið rjómaostablöndunni ofan í formið og kælið í 5 klukkustundir. Þeytið rjóma og sprautið honum ofan á kökuna og skreytið með Oreo kexi. Geymið í kæli þar til kakan er borin fram. 

Einnig er hægt að nálgast uppskriftina á vef Gott í matinn.

Kveðja, Thelma

Jarðarberjaostakaka sem ekki þarf að baka

Jarðarberjaostakaka sem ekki þarf að baka

Innihald
160 g hafrakex
60 g smjör, bráðið
200 g jarðarber
160 g sykur
1 stk límóna, safi og börkur
250 g marscarpone ostur við stofuhita
300 g rjómaostur við stofuhita
400 ml rjómi

Skraut
250 g jarðarber

Aðferð
Hakkið hafrakexið í matvinnsluvél, bræðið smjörið og hellið saman við hafrakexið. Þrýstið hafrakexblöndunni ofan í hringlaga meðalstór form og aðeins upp á hliðarnar. Setjið formið í frysti á meðan þið undirbúið ostakökuna. Maukið jarðaber, límónusafa og límónubörk saman í matvinnsluvél. Hrærið ostana saman þar til þeir eru orðnir mjúkir og sléttir, bætið rjómanum saman við og hrærið saman. Bætið jarðarberjamaukinu saman við og hrærið þar til allt hefur blandast vel saman. Hellið ostablöndunni í yfir hafrakexbotninn og dreifið vel úr. Setjið plastfilmu yfir og frystið í klukkustund. Takið kökuna úr frystinum 20  mínútum áður en hún er borin fram. Skreytið með jarðarberjum.

Einnig er hægt að nálgast uppskriftina á vef Gott í matinn og margfalda hana þar að vild. 

Kveðja, Thelma

Jarðarberja ostamús með rjóma

Jarðarberja ostamús með rjóma

Fyrir ca. 6 

Botn
120 g hafrakex, hakkað
30 g smjör, bráðið
1 msk sykur

Ostamús
200 g frosin jarðaber, afþýdd
2 dl rjómi
2 msk flórsykur
230 g rjómaostur
40 g flórsykur
1 tsk vanilludropar

Toppur
100 g dökkt súkkulaði
4 msk rjómi
2 msk síróp
½ lítri rjómi
jarðarber

Aðferð

Botn

Setjið hafrakex í matvinnsluvél og hakkið gróflega. Bræðið smjör, hellið yfir hafrakexið og hrærið vel. Bætið sykri saman við og hrærið. Setjið 1-2 msk af hafrakexi í hvert glas eða krukku fyrir sig og setjið til hliðar.

Ostamús

Afþýðið 200 g frosin jarðarber og setjið þau í matvinnsluvél og hrærið þar til berin eru orðin að vökva. Þeytið rjóma ásamt 2 msk af flórsykri þar til rjóminn er orðinn stífur og stendur og setjið til hliðar. Þeytið rjómaostinn þar til hann er orðinn mjúkur og sléttur, bætið flórsykri og vanilludropum saman við og hrærið þar til allt hefur blandast vel saman. Bætið því næst jarðarberjunum saman við og hrærið. Blandið rjómanum varlega saman við rjómaostablönduna og hrærið varlega með sleif þar til allt hefur náð að blandast vel saman. Setjið ostamúsina í poka og sprautið henni í hvert glas fyrir sig eða notið matskeið. Setjið í kæli.

Toppur

Bræðið dökkt súkkulaði yfir vatnsbaði. Fyrir þá sem vilja skreyta með súkkulaðihjúpuðum jarðarberjum er gott að dýfa jarðarberjunum ofan í súkkulaðið áður en rjómanum og sírópinu er blandað saman við súkkulaðið. Þegar búið er að dýfa jarðarberjunum ofan í er gott að setja þau inn í kæli og láta súkkulaðið storkna. Setjið því næst 4 msk rjóma og 2 msk síróp saman við súkkulaðið og hrærið vel. Setjið 1 msk af súkkulaði yfir hverja ostamús. Þeytið rjóma og skreytið hverja mús með rjóma og súkkulaðihjúpuðum jarðarberjum. Geymist í kæli þar til borið er fram.

Einnig er hægt að nálgast uppskriftina á vef Gott í matinn þar sem hægt er að magfalda hana að vild. 

Kveðja, Thelma

Jarðarber og Oreo - skyreftirréttur

Jarðarber og Oreo

Innihald
1 pk Oreo kex (15 stk)
¼ lítri rjómi
500 g jarðarberjaskyr
200 g jarðarber

Toppur
¼ lítri rjómi
Oreo kex

Aðferð
Setjið Oreo kexið í matvinnsluvél og hakkið gróflega. Setjið 2 msk af Oreo kexi í hvert glas fyrir sig. Þeytið ¼ lítra rjóma og hrærið saman við jarðaberjaskyrið. Grófsaxið jarðarberin og blandið þeim varlega saman við. Setjið skyrið í sprautupoka og sprautið því jafnt í glösin. Þeytið restina af rjómanum eða ¼ lítra og sprautið honum ofan í hvert glas og skreytið með hálfri Oreo kexköku. Geymið í kæli þar til borið er fram. 

Einnig er hægt að nálgast uppskriftia á vef Gott í matinn þar sem þið getið margfaldað hana að vild. 

Kveðja, Thelma

Hnetu Nizza ostakaka með súkkulaðihjúpuðum heslihnetum

Hnetu Nizza ostakaka með súkkulaðihjúpuðum heslihnetum

Botn
300 g hafrakex
100 g ristaðar karamelluhnetur
70 g smjör við stofuhita
1 msk Hnetu Nizza (Síríus heslihnetusmjör)

Ostakak
450 g rjómaostur
370 g Hnetu Nizza (Síríus heslihnetusmjör)
60 g flórsykur

Toppur
100 g súkkulaðihjúpaðar heslihnetur, hakkaðar

Aðferð

Setjið smjörpappír í hringlaga form um22 cm að stærð. Setjið hafrakex, ristaðar karamelluhnetur, smjör og Hnetu Nizza saman í matvinnsluvél og hakkið þar til allt hefur blandast vel saman og er orðið vel blautt af smjörinu. Þrýstið hafrakexblöndunni ofan í botninn á forminu, gott er að nota glas eða skeið. Kælið botninn á meðan þið undirbúið ostakökuna.

Hrærið rjómaost og flórsykur saman þar til blandan verður mjúk og slétt. Bætið Hnetu Nizza saman við og hrærið þar til allt hefur  náð að blandast vel saman. Setjið rjómaostablönduna í formið ofan á hafrakexbotninn. Setjið súkkulaðihjúpuðu heslihneturnar í matvinnsluvél og grófhakkið. Setjið þær ofan á ostakökuna og þrýstið þeim örlítið niður svo þær festist vel. Kælið í 5 klukkustundir. Geymið í kæli þar til kakan er borin fram. 

Hægt er að nálgast uppskriftina á vef Gott í matinn og þar er hægt að magfalda uppskrftina að vild.

Kveðja, Thelma

Hindberjaskyrterta

Hindberjaskyrterta

Botn
24 stk Oreo kexkökur
100 g smjör, bráðið

Skyrterta
600 g hindberjaskyr
¼ l rjómi
2 msk flórsykur

Toppur
100 g súkkulaðihjúpaðar gráfíkjukúlur
Flórsykur til skrauts

Aðferð
Setjið Oreo kexkökur í  matvinnsluvél og hakkið þar til þær verða fínmalaðar. Bræðið smjör og blandið því saman við, hrærið þar til smjörið hefur bleytt vel upp í kexinu. Setjið kexblönduna í meðalstórt form og þrýstið vel niður og upp á hliðar formsins. Gott er að nota botninn á glasi til þess að þrýsta kexblöndunni niður og upp á hliðarnar. Geymið í kæli á meðan þið undirbúið skyrblönduna.

Þeytið rjóma og blandið saman við skyrið með sleif. Blandið flórsykri saman við og hrærið vel þar til blandan verður mjúk og slétt. Hellið skyrblöndunni yfir kexbotninn og sléttið vel úr. Skreytið kökuna með súkkulaðihjúpuðum gráfíkjukúlum og flórsykri. Einnig er fallegt að skreyta kökuna með ferskum hindberjum og flórsykri. Geymið kökuna í kæli þar til hún er borin fram. 

Uppskriftina er hægt að nálgast á vef Gott í matinn og þar er hægt að magfalda uppskriftina að vild.

Kveðja, Thelma

Bökuð epli með kanil og karamellu

Bökuð epli með kanil og karamellu

Innihald
500 g Skyr.is með bökuðum eplum
¼ lítri rjómi
1 msk kúfuð af flórsykri
¼ tsk kanill
10 stk Lu kanilkex
100 g H-berg ristaðar karamelluhnetur

Toppur
¼ lítri rjómi
100 g karamellu Pipp brætt með 3 msk af rjóma

Aðferð

Þeytið rjóma og blandið ¼ lítra saman við skyrið og hrærið vel. Bætið flórsykri saman við ásamt kanil og hrærið þar til allt hefur náð að blandast vel saman. Setjið kanilkexið og ristuðu karamelluhneturnar í matvinnsluvél og hakkið gróflega. Setjið 1-2 msk af kexi í hvert glas fyrir sig, setjið skyrblönduna í poka og sprautið ofan á kexið.

Toppur

Bræðið karamellu Pipp yfir lágum hita ásamt 3 msk af rjóma og hrærið stanslaust þar til Pippið hefur náð að bráðna alveg. Kælið örlítið. Sprautið restinni af rjómanum ofan á og setjið ca. 1 msk af brædda karamellu Pippinu yfir rjómann og skreytið með restinni af kex og hentublöndunni. Geymið í kæli þar til borið er fram. 

Uppskriftina er hægt að nálgast á vef Gott í matinn og þar er hægt að margfalda hana að vild.

Kveðja, Thelma

Bláberjaskyrkaka með brómberjum og súkkulaði

Bláberjaskyrkaka með brómberjum og súkkulaði

Innihald
180 g hafrakex
130 g smjör
¼ l rjómi
500 b bláberjaskyr
7 stk matarlímsplötur
200 g bláber
100 g brómber
100 g dökkt súkkulaði

Aðferð

Setjið hafrakex í matvinnsluvél og hakkið þar til kexið er orðið fínmalað. Bræðið smjör og hellið saman við kexið og hrærið vel saman. Hellið kexblöndunni í ferkantað eða hringlaga form og þrýstið niður. Þeytið rjómann og hrærið saman við skyrið þar til allt hefur blandast vel saman. Leysið upp matarlímið samkvæmt leiðbeiningum utan á pakkanum og hellið því saman við skyrblönduna og hrærið vel. Setjið því næst 100 g af bláberjum saman við skyrblönduna og hrærið varlega með sleif. Hellið skyrblöndunni yfir kexbotninn og sléttið út með sleif og kælið í 2 klukkustundir eða þar til kakan hefur náð að stífna. Skreytið með restinni af bláberjunum og brómberjum og þrýstið þeim lítillega niður. Bræðið súkkulaði yfir vatnsbaði og hrærið þar til súkkulaðið hefur náð að bráðna alveg, passið að súkkulaðið sé ekki mjög heitt. Dreifið súkkulaðinu óreglulega yfir berin. Geymið kökuna í kæli þar til hún er borin fram. 

Uppskriftina er hægt að finna á vef Gott í matinn og þar er hægt að margfalda hana að vild.

Kveðja, Thelma

Bananasplit í glasi með salthnetum og rjóma

Bananasplit í glasi með salthnetum og rjóma

Innihald100 g hafrakex
100 g salthnetur
3 msk hnetusmjör, kúfaðar
500 g bananaskyr
200 g skyr með bananasplitti
¼ lítri rjómi 

Toppur
¼ lítri rjómi
100 g Pipp með bananafyllingu
4 msk rjómi
Salthnetur

Aðferð
Setjið hafrakex, salthnetur og hnetusmjör í matvinnsluvél og hakkið gróflega. Setjið 2 msk í hvert glas fyrir sig og þrýstið því niður með skeið. Setjið skyr með bananasplitti í poka og sprautið í glösin, u.þ.b. 1-2 cm þykkt. Þeytið ¼ lítra rjóma og hrærið saman við bananaskyrið. Setjið því næst bananaskyrið í sprautupoka og sprautið jafnt í glösin. Bræðið Pipp með bananafyllingu yfir vatnsbaði ásamt 4 msk af rjóma, hrærið þar til súkkulaðið hefur náð að bráðna alveg og kælið örlítið. Þeytið rjóma og sprautið ofan í hvert glas fyrir sig, setjið 1-2 msk af bræddu súkkulaði og skreytið með salthnetum. Geymið í kæli þar til borið er fram.   

Kveðja, Thelma

Minions marengskaka með Æðibitum

Þessi kaka er hrikalega góð og fékk nafnið Minions marengskaka frá syni mínum sem væri til í að vera einn lítill Minions ef hann fengið því ráðið!

Minions marengskaka með Æðibitum

Marengs

4 eggjahvítur
200 g sykur

Súkkulaði

3 eggjahvítur
80 g flórsykur
100 g dökkt súkkulaði

Rjómablanda

350 ml rjómi (eða meira ef þið viljið hafa vel af rjóma)
1 kassi af Æðibitum

Toppur

Súkkulaðisíróp eða brætt súkkulaði

Áhöld

Sprautustútur Wilton 1M og sprautupoki
Matarlitur: gulur gelmatarlitur (alls ekki þessi vökvakenndi) eða hvaða litur sem er.

Aðferð

Stillið ofninn á 150 gráður (með blæstri) og setjið smjörpappír á bökunarplötu. Gott er að vera búinn að merkja svona u.þ.b. hversu stóran marengs þið ætlið að gera svo báðir botnarnir séu jafnstórir.

Stífþeytið eggjahvíturnar og blandið sykri saman við smátt og smátt í einu. Þeytið þar til marengsinn er orðinn stífur og glansandi. Setjið 2-3 dropa af gulum matarit saman við og þeytið þar til marengsinn hefur náð fallega gulum lit. Setjið marengsinn í sprautupoka og sprautið honum á bökunarplötuna. Þeir sem treysta sér ekki til þess að nota sprautustút þá er hægt að mynda botnana með sleif. Báðir botnarnir eiga að passa á eina bökunarplötu. Bakið í 50 mínútur eða þar til marengsinn er alveg þurr viðkomu. Kælið botnana alveg áður en þið setjið á þá

Súkkulaði

Þeytið eggjarauðurnar ásamt flórsykrinum þar til blandan verður ljós og létt. Bræðið súkkulaði yfir vatnsbaði og kælið. Blandið því saman við með sleif þar til allt hefur blandast vel saman. Setjið súkkulaðið á annan botninn.

Rjómablanda

Þeytið rjómann þar til hann stendur, passið ykkur þó að þeyta hann alls ekki of mikið. Skerið Æðibitana í litla bita og blandið saman við rjómann. Setjið rjómablönduna ofan á súkkulaðið og setjið hinn botninn ofan á. Skreytið með súkkulaðisírópi eða bræddu súkkulaði. Gott er að setja á botnana deginum áður svo marengsinn nái að mýkjast upp. Geymið í kæli þar til kakan er borin fram.

Kveðja, Thelma